Big Bwoy an Gee Gee

One morning Big Bwoy did late fi school so ‘im ride ‘im father donkey, ‘Gee Gee’, go a school. Him did in such a hurry dat him nevah tie di donkey propaly. Well, guess wha happen? In di midst a spelling class, Gee Gee get loose. Big Bwoy frighten sotill wen him look out a di window an see di donkey a gallop wey.

Meanwhile, di teacher ask de class, ‘Children, how do you spell egg?’ Big Bwoy nah listen di teacher, him only waan di donkey fi stop, so him shout out, ‘EE GEE GEE!’.